Ab kya likhen

Ab kya likhen kaghaz par,
Ab likhne ko kiya baqi hai,
Ik dil tha woh toot gaya,
Ab totne ko kiya baqi hai,
Ik shakhs ko ham ne chaha tha,
Ik rait pe naqsh banaya tha,
Woh rait to kab ki bikhar gai,
Woh naqsh kahan ab baqi hai,
Ham jin ko apni nazmon ka,
Unwan banaya karte they,
Lafzon ka bana k taj mehal,
Kaghaz par sajaya karte they,
Woh ham ko akela chor gaye,
Sab rishton se muh mod gaye,
Ab raste sare soney hain,
Woh pyar kahan ab baqi hai,
Ab kiya likhen ham kaghaz par,
Ab likhne ko kiya baqi hai…