Main aadmi hoon aam sa
ek qissa natamam sa
na lehja bemisaal hai
na baat mein kamaal hai
hoon dekhney mein aam sa
udasiyon ki shaam sa
jaisy ek raaz hoon
khud se beniaz hoon
na mehjabinon se rabt hai
na shohraton ka zabt hai
ranjha na qais hoon
Insha na Faiz hoon
main paiker-e-ikhlaas hoon
wafa dua aur aas hoon
main shakhs khud shanaas hoon
tum hi karo ab faisla
main aadmi hoon aam sa ya phir bahut hi khaas hoon…?
Subscribe to:
Post Comments (Atom)
No comments:
Post a Comment